Ապրանքի  նկարագրությունը

39у ճոպանի քսուքն արտադրվում է բավականին մեծ ծավալներով։ Դրա արտադրանքը կազմում է բոլոր այլ ճոպանի քսուքների գումարային արտադրության 55%-ը։ 39у պարանի քսուքի լայն կիրառությունը բացատրվում է շահագործման բավարար հատկանիշներով և ցածր գնով։ 39у  ճոպանի քսուքի բաղադրությունը բարդ չէ, ինչը հեշտացնում է դրա զանգվածային արտադրությունը։ Արտաքին տեսքից 39у ճոպանի քսուքն իրենից ներկայացնում է սև գույնի խիտ կպչուն քսուք։ Այն աշխատունակ է ջերմաստիճանների բավականին լայն միջակայքում։ Քսուքը խորհուրդ է տրվում կիրառության համար արևադարձային գոտում։  -25⁰C ջերմաստիճանից ցածր պայմաններում 39у պարանի քսուքը չի ապահովում ճոպանների նորմալ շահագործում։ Լավ ջրակայունությունը և բարձր կպչունությունը մետաղին քսուքին հաղորդում են գերազանց կոնսերվացնող հատկություններ։ Միաժամանակ, այն բավականին արդյունավետ նվազեցնում է պողպատե ճոպանների մաշվածությունը։ Այդ ամենը թույլ է տալիս ավելացնել 39у քսուքը ճոպաններին քսելու միջև ժամկետները։ 39у ճոպանի քսուքը կիրառվում է տարբեր, մասնավորապես՝ շահագործման ծանր պայմաններում։ Այն օգտագործում են հանքերի և հորատման ճոպանների, վերամբարձ տրանսպորտային մեքենաների ճոպանների և այլնի համար։